تعمل أيه لو شنطتك ضاعت
قبل ما نشرح التفاصيل محتاجين نفهم كام حاجة في الأول تساعدنا نمشي في الخطوات بسهولة
١- Boarding Pass :
ودى الورقه الى بتاخدها على الكاونتر الخاص بشركة الطيران وانت بتسلمهم شنطتك ودا لو أنت مسافر ترانزيت فمفروض بيسلموك ٢ , واحد من مطار السفر لمطار الترانزيت والتاني من مطار الترانزيت للوجهة النهائية
بيبقي فيه بيانات رحلتك زى : رقم طيارتك , أسمك , البوابة اللى هتسافر منها , ميعاد الإقلاع بالظبط , ميعاد الأتشيك ان , رقم الكرسي بتاعك , رايح منين لفين , والبار كود الى بتقدر بيه تعمل تشيك أن بدون الحاجة لموظف ( فى بعض المطارات)
٢- Bag Tag :
ودا مقسوم لجزئين جزء منه بيبقي على شنطتك الى بتسيبها على الكاونتر وأنت بتعمل تشيك أن والجزء التانى بيبقي صغير فى الغالب بيلزقوه على باسبورك او على البوردينج , ودا فيه بيانات رحلتك , كود المطار الى انت مسافر لة وكمان رقم تعريفي
Reference number
في بعض المطارات اللي فيها تشيك أن بنفسك بتستخدم الماكينة فى مدخل المطار وهيا بتطلعلك البوردينج الخاص بيك وكمان ال
Bag Tag
وبتروح الكاونتر الخاص بشركة الطيران بس علشان توزن الشنط ويتأكدو أنك طبعته مظبوط
طب ازاى بيعرفو الشنط لما الطياره بتوصل مين مفروض يروح فين ؟
الشنط بتتحط فى الطياره بنظام الباتش وكل واحد منهم بيبقي عباره عن صندوق مقفول , كل صندوق معروف لما الطياره هتوصل هيتنقل أوتوماتيك لفين , هل لطياره تانيه ( محدده مسبقا ) ولا لسير لإستلام الشنط
لو حضرتك حاجز التذكرة مثلا من القاهرة إلى بالي ( تذكرة كاملة ) مرورا ب دبي ترانزيت دا معناة أنك هتاخد ٢
Boarding Pass
ومش هتاخد شنطك غير فى الوجهة النهائية اللى هيا بالي لكن لو حاجز تذكرتين تذكرة من القاهرة إلى دبي وبعدين من دبي إلى بالى ف وأنت فى مطار القاهرة هتاخد بوردنج واحد بس لحد دبي ولما توصل دبي هتضطر تعمل بوردنج جديد
فى الحالة الأولى دى بيطلعلك ١ تاج للشنطة بتاعتك لأنك هتستلم شنطتك فى الوجهة النهائية لكن فى الحالة التانية هيطلعلك ١ برضه لكن هتبقي مطالب تاخد تاج تانى بعد ما توصل مطار الترانزيت اللى هو دبي
نعمل أيه أول ما نتأكد ان شنطتنا موصلتش ؟
فى المطار اللى أنت فية Lost and Found ١- بتروح على مكتب وتقريبا كل مطارات العالم فيها المكتب دا سواء بتاع شركة الطيران اللى أنت سافرت عليها أو شركة الطيران المحلية بالدولة اللى انت وصلت ليها
كل دولة ليها شركة طيران محلية زى مصر للطيران لمصر والإماراتية للإمارات ولوفتهانزا لألمانيا وهكذا
٢- بيعرضو عليك كتالوج فية تقريبا كل أشكال وأنواع الشنط وهل ليها براند معروف أو فيها خصائص معينة وكل دا ٩٥٪ منة موجود فى الكتالوج دا علشان يسهلو عملية البحث عنها
حتي لو شنطتك جايبها من مكان غير معروف وملهاش براند معين هتلاقى ليها شكل وصورة مقاربة فى الكتالوج
كمان هيسألوك لو عليها صورة أو ورقة او شيء مميز مختلف عن باقى الشنط
٣- هيسألوك كمان على الورقه الصغيره الى هيا ال
Baggage Tag
ودى مهمه جدا انها تبقي معاك علشان دى مفتاح بحثهم عن شنطتك وزى ما قولنا فوق دى عبارة عن جزئين واحد على الشنطة والتانى بيبقي معاك
٤- هيسألو على عنوان ليك فى البلد الى انت وصلت فيها ( فندق – شقه ) وكمان رقم تليفون محلى علشان لو حبو يتصلو بيك ويبعتو الشنطه لما توصل
٥- هتاخد رقم المحضر اللى عملتة بضياع الشنطة وتقريبا كل شركات الطيران فى العالم عندهم على موقعهم مكان تقدر منه تتابع كل التحديثات الخاصة بشطنتك
٩٠ ٪ من الحالات بيتم تحديد مكان شنطتك فى أى مكان ف العالم بعد ٢٤ ساعة وبعدين بتبدأ رحلة رجوعها ليك سواء فى البلد اللى أنت فيها او بلدك الأم ودا بيكون فى خلال من ٣ ل ٧ أيام ومجانا وساعات بتوصلك لحد باب الفندق أو عنوانك اللى كتبتك ف التقرير
لو مسافر أكتر من مكان بعد وصولك ومش هتقعد فترة طويلة بتكتب ف المحضر التفاصيل دى وشركة الطيران مش شرط توصلك الشنطه في المطار اللى عملت فيه المحضر وبتكتب تفاصيل رحلتك بالتواريخ وهما بيناقشو معاك تفاصيل وصولها
هل فى فرصة الشنطة متجيش خالص؟
أيوه للأسف وساعتها شركة الطيران بتبقي مُطالبة بتعويضك ماديا
فى ٢٠١٦ شركة طيران دلتا الأمريكية طورت نظام جديد خاص بالشنط RFID ومعتمد على تقنية
ودا ببساطة شريحة بتبقي على شنطتك بيبقي عليها كل تفاصيل رحلتك ومربوط ببرنامج على موبايلك والشريحة دى مُبرمجة أنها تنور بنور أحمر فى حالة وصولها مطار مختلف عن المطار اللى متسجل على الشريحة وبالتالى عمال المطار بيقدرو يعرفو أن الشنطة دى مكانها مش صح وكمان بيديك الإمكانية من خلال الموبايل تعرف مكان شنطتك فين من خلالها
الموضوع لسه تجريبي ولكن هيتم تعميمه فى جميع مطارات العالم وشركات الطيران
